काठमाडौँ: अर्को महिना हुने राष्ट्रपति र विधायिका चुनावअघि रुवाण्डामा अभियान शुरु भएको छ । राष्ट्रपति पदका लागि सत्तारुढ रुवाण्डा प्याट्रियोटिक फ्रन्ट (आरपीएफ) का वर्तमान अध्यक्ष पाउल कागामे, विपक्षी डेमोक्र्याटिक ग्रीन पार्टी अफ रुवाण्डाका फ्रान्क हबिनेजा र स्वतन्त्र उम्मेदवार फिलिप मपेइमानासहित तीन जना राष्ट्रपतिको दौडमा छन् । २००० देखि सत्तामा रहेका कागामेले उत्तरी प्रान्तको मुसान्जे जिल्लामा आफ्नो अभियान शुरु गर्नुभयो । जहाँ उहाँले एक विशाल ¥यालीलाई आरपीएफ राजनीति कसैलाई पछाडि नछोडी सबै रुवाण्डाहरूको विकास सुनिश्चित गर्नका लागि भएको बताउनु भयो ।
आरपीएफ उम्मेदवारले तीन हप्ताको प्रचार अभियानको क्रममा १९ प्रचार क्षेत्रहरूमा ¥यालीहरूलाई सम्बोधन गर्ने बताइएको छ । ६६ वर्षीय कागामेले लामो समयसम्म सत्तामा रहँदाको आलोचनापछि पश्चिमा देशहरूले लोकतन्त्रमा दोहोरो मापदण्ड अपनाएको आरोप लगाउनुभएको छ । यसैबीच संसदको तल्लो सदनका ८० सिटका लागि ५ सयभन्दा बढी उम्मेदवारले देशका विभिन्न भागमा चुनावी प्रचारप्रसार गरेका छन् । राष्ट्रपति र प्रतिनिधि सभाको निर्वाचन असार १५ गते हुँदैछ । राष्ट्रिय निर्वाचन आयोगका अनुसार करिव ९.५ मिलियन रुवाण्डाहरू मतदान गर्न योग्य छन् ।