काठमाडौँ: अमेरिकाको दक्षिणी क्यालिफोर्नियाको जंगलमा लागेको डढेलोका कारण १२ सय मानिसलाई सुरक्षित स्थानमा सारिएको छ । दक्षिणी क्यालिफोर्नियामा १२ हजार २०० एकड (लगभग ४९.४ वर्ग किलोमिटर) जङ्गलमा लागेको आगोले कम्तीमा १२ सय मानिसहरूलाई सो स्थानबाट क्षेत्रबाट बाहिर निकाल्न बाध्य भएको बताइएको छ । क्यालिफोर्निया डिपार्टमेन्ट अफ फोरेस्ट्री एन्ड फायर प्रोटेक्शन (क्याल फायर)का अनुसार पोष्ट फायर भनिने हावाबाट सञ्चालित जंगलको आगो शनिवारदेखि लागिरहेको छ ।
