सुनको भाउ फेरि उकालो, तोलामा १८ सय रुपैयाँ वृद्धि
काठमाडौं ; साताको पाँचौँ कारोबार दिन बिहीबार नेपाली बजारमा सुनको मूल्य बढेको छ । अघिल्लो कारोबार दिनको तुलनामा आज सुनको भाउ प्रतितोला १८ सय रुपैयाँले वृद्धि भएको हो ।
नेपाल सुनचाँदी व्यवसायी महासंघका अनुसार बुधबार प्रतितोला २ लाख ९६ हजार ८ सय रुपैयाँमा कारोबार भएको छापावाला सुन आज बढेर २ लाख ९८ हजार ६ सय रुपैयाँ पुगेको छ ।
त्यस्तै, चाँदीको मूल्य पनि बढेको छ । आज चाँदी प्रतितोला १०० रुपैयाँले बढेर ५ हजार १५५ रुपैयाँमा कारोबार भइरहेको महासंघले जनाएको छ ।
महासंघका अनुसार आज प्रति १० ग्राम छापावाला सुनको मूल्य २ लाख ५६ हजार रुपैयाँ कायम भएको छ भने प्रति १० ग्राम चाँदीको मूल्य ४ हजार ४१९ रुपैयाँ ५० पैसा निर्धारण गरिएको छ ।
