काठमाडौं: पोखरा विश्वविद्यालयले शैक्षिक सत्र २०८१/८२ मा स्नातक तहमा भर्ना हुने करिब २५० आईटीका विद्यार्थीलाई पूर्ण छात्रवृत्ति दिने भएको छ । बुधबार एक सूचना जारी गर्दै विश्वविद्यालयले आङ्गिक तथा सम्बन्धन प्राप्त स्कुल तथा कलेजहरूमा भर्ना हुने विद्यार्थीहरूलाई छात्रवृत्ति प्रदान गर्ने जानकारी दिएको हो ।
विश्वविद्यालयले आफ्नो छात्रवृत्ति सम्बन्धी नियमावली, २०६५ अनुसार छात्रवृत्ति दिन लागेको हो । यसअन्तर्गत विज्ञान तथा प्रविधि सङ्काय, व्यवस्थापन सङ्काय र मानविकी तथा सामाजिक शास्त्र सङ्कायमा विद्यार्थीहरूले छात्रवृत्ति पाउने छन् ।