ओस्कार विजेता लेखक रोबर्ट टाउनको ८९ वर्षको उमेरमा निधन भएको छ ।टाउनको लस एन्जलसस्थित आफ्नै घरमा निधन भएको बताइएको छ । उनको निधनको खबरले उनका फ्यानहरू निकै दुःखी बनेका छन् ।
चाइनाटाउनका लागि उनलाई ओस्कार अवार्डबाट सम्मानित गरिएको थियो । यसबाहेक उनलाई सन् १९९७ मा राइटर्स गिल्ड अफ अमेरिकाद्वारा लाइफटाइम एचिभमेन्ट अवार्डबाट सम्मानित गरिएको थियो ।ओस्कर बाहेक रोबर्टलाई बाफ्टा, गोल्डेन ग्लोब अवार्ड र डब्लुजीए अवार्डबाट सम्मानित गरिएको छ ।