काठमाडौँ: सुदूरपश्चिम प्रदेश सभाको विशेष अधिवेशन आजबाट सुरु हुँदैछ । नेपाली कांग्रेस, नेकपा (एमाले) र नागरिक उन्मुक्ति पार्टीका एक चौथाई प्रदेश सभा सदस्यको मागमा प्रदेश प्रमुख नजिर मियाँले विशेष अधिवेशन आह्वान गर्नु भएको हो ।
विशेष अधिवेशनको पहिलो बैठक आज दिउँसो २ बजे बोलाइएको प्रदेश सभा सचिवालयले जानकारी दिएको छ । विशेष अधिवेशनको पहिलो बैठकमा प्रदेश प्रमुखले पठाउनु भएको अधिवेसन आह्वान सम्बन्धी पत्र पढेर सुनाउने कार्यसूची रहेको सचिवालयका सूचना अधिकारी युवराज जैसीले जानकारी दिनुभयो ।