काठमाडौँ: बाग्लुङका भुवनसिंह विश्वकर्मा अन्टार्टिका पुग्ने पहिलो नेपाली हुन् । बाग्लुङमा २०११ सालमा जन्मिएका उनी भारतीय सेनामा कार्यरत रहँदा दुई पटक अन्टार्टिका पुग्न सफल भए ।
लोकसेवा आयोगको पुस्तकमै अन्टार्टिकामा पुग्ने पहिलो नेपाली को हुन् भनेर सोधिने प्रश्नको उत्तर बनेका छन् भुवनसिंह । अहिले बुटवलमा स्थायी बसोबास गर्ने उनले सेवा निवृत्त जीवनमा यही विषयमा जानकारी दिँदै विभिन्न अध्ययन तथा सामाजिक काममा बिताइरहेका छन् ।