प्रहरीको रासन रकम बढ्यो, फागुन १ देखि लागू
काठमाडौं । सरकारले नेपाल प्रहरीका लागि उपलब्ध गराइने रासन रकम बढाउने निर्णय गरेको छ। बिहीबार बालुवाटारमा बसेको मन्त्रिपरिषद् बैठकले रासन स्केल तथा दैनिक रासन रकम वृद्धि गर्ने निर्णय गरेको हो।
\
गृहमन्त्री तथा सरकारका प्रवक्ता ओमप्रकाश अर्यालका अनुसार उक्त निर्णय आगामी फागुन १ गतेदेखि लागू हुनेछ। “२०८२ फागुन १ गतेदेखि लागू हुने गरी नेपाल प्रहरीको रासन स्केल र रासनबापतको दैनिक रकम वृद्धि गर्ने निर्णय गरिएको छ,” उनले जानकारी दिए।
सरकारको यो निर्णयसँगै लामो समयदेखि यथावत् रहेको प्रहरीको रासन सुविधामा सुधार हुने अपेक्षा गरिएको छ।
