काठमाडौँ: आर्थिक वर्ष २०८०/८१ मा नेपाललाई वैदेशिक व्यापारमा १४ खर्ब ४० अर्ब रुपैयाँ व्यापार घाटा भएको छ । गत आर्थिक वर्षको साउनदेखि असारसम्मको अवधिमा नेपाललाई झण्डै साढे १४ खर्ब रुपैयाँ बराबरको व्यापार घाटा भएको हो ।
अघिल्लो आर्थिक वर्ष २०७८/७९ को तुलनामा यो १५ प्रतिशतले कम हो । अघिल्लो आवमा नेपालले १७ खर्ब २० अर्ब ४१ करोड रूपैयाँ बराबरको व्यापारघाटा व्यहोरेको थियो ।
त्यस्तै नेपालको निर्यात पनि घटेको छ । गत आवको तुलनामा अघिल्लो आर्थिक वर्षमा नेपालले गर्ने निर्यातको २१.४४ अंकले घटेको हो । गत आर्थिक वर्षमा नेपालले १ खर्ब ५७ अर्ब १४ करोडको वस्तु निर्यात गरेको थियो । तर, अघिल्लो आवमा भने नेपालले २ खर्ब बढीको वस्तु निर्यात गरेको थियो ।