“देशभर विभिन्न स्थानमा चार व्यक्तिको मृत्यु”
काठमाडौँ : शनिबार, १ चैत्र २०८१ मा नेपालका विभिन्न स्थानमा चार व्यक्तिको मृत्यु भएको छ।
झापाको हल्दिबारी गाउँपालिका–४ मङ्गलबारेमा ६० वर्षीय थुरूम मर्डी आफ्नै घरमा मृत अवस्थामा फेला परेका छन्। त्यस्तै, मेचीनगर नगरपालिका–१५ गाईनोबारीमा ३२ वर्षीय वीरबहादुर राजवंशी पनि आफ्नै घरमा मृत फेला परेका छन्।
बैतडीको दोगडाकेदार गाउँपालिका–५ दोलीस्थित महाकाली राजमार्ग सडक छेउमा करिब ४५ वर्षीय अज्ञात पुरुषको शव भेटिएको छ। रौतहटको चन्द्रपुर नगरपालिका–७ स्थित आमो खोलामा करिब ३६ वर्षीय अज्ञात पुरुष मृत अवस्थामा फेला परेका छन्। यी घटनाहरूको अनुसन्धान भइरहेको छ।
