“एमाले रसुवा जिल्ला अध्यक्ष जनार्दन ढकालद्वारा पार्टी परित्यागको घोषणा”

काठमाडौँ : नेकपा (एमाले) रसुवा जिल्ला अध्यक्ष जनार्दन ढकालले पार्टीका सबै पद र जिम्मेवारी त्यागेको घोषणा गरेका छन्।

शनिबार हिमालय टेलिभिजनको ‘फेस टु फेस’ कार्यक्रममा पत्रकार रामचन्द्र अर्यालसँगको कुराकानीमा ढकालले जिल्ला इञ्चार्ज प्रेम तामाङसहितका नेताबाट पटक–पटक भौतिक आक्रमण र असहयोग हुँदा केन्द्रले कुनै सुनुवाइ नगरेको भन्दै पार्टी परित्यागको निर्णय लिएको बताएका छन्। ढकालले आगामी दिनमा स्वतन्त्र नागरिकको हैसियतमा जनताकै बीचमा रहने घोषणा गरेका छन्।