सुन–चाँदी सस्तो भयो: आज एक तोला सुन र चाँदीको नयाँ मूल्य कति ?

काठमाडौँ : नेपाली बजारमा आज सुनचाँदीको मूल्यमा हल्का गिरावट देखिएको छ। नेपाल सुनचाँदी व्यवसायी महासङ्घले सार्वजनिक गरेको नयाँ दर अनुसार शुक्रबार छापावाला सुन प्रतितोला २ लाख ५२ हजार ४०० रुपैयाँमा कारोबार भइरहेको छ। यो मूल्य बिहीबारको तुलनामा ९०० रुपैयाँले घटेको हो।

त्यस्तै, चाँदीको मूल्य पनि घटेर प्रतितोला ३ हजार ५५५ रुपैयाँ पुगेको छ। बिहीबार चाँदी प्रतितोला ३ हजार ६२५ रुपैयाँमा व्यापार भएको थियो।

अन्तरराष्ट्रीय बजारमा आज एक औँस सुन ४ हजार २४० अमेरिकी डलर र चाँदी ५८ डलरमा कारोबार भइरहेको अन्तर्राष्ट्रिय सञ्चारमाध्यमहरूले जनाएका छन्।

बजारमा केही दिनयता सुनचाँदीको मूल्य क्रमिक उतार–चढाव भइरहेका छन्।